Gistiaðstaðan á Asíuleikunum gagnrýnd harðlega: „Versta sem ég hef séð“

Mikil óánægja ríkir með gistiaðstöðuna á Asíuleikunum sem hefjast í þessari viku. Íþróttamenn eiga að gista á hótelum, í skemmtiferðaskipum og í gámum, en forsvarsmenn sumra þátttökulanda segja aðstæðurnar óviðunandi. Varaformaður körfuknattleikssambands Suður-Kóreu segir þetta það versta sem hann hafi séð; hávaxnir leikmenn geti ekki einu sinni teygt úr sér í of stuttum rúmum. Myndbönd af lélegum herbergjum og leka hafa verið birt á samfélagsmiðlum og ljóst er að gistirými duga ekki fyrir alla þá 17.000 keppendur sem mættir eru til leiks.