Sveitarfélög fagna áformum um endurskoðun vaxtarmarka höfuðborgarsvæðisins

Forystumenn sveitarfélaga á höfuðborgarsvæðinu fagna þeirri viðhorfsbreytingu sem virðist hafa átt sér stað í Reykjavík varðandi endurskoðun vaxtarmarka. Ásdís Kristjánsdóttir, bæjarstjóri í Kópavogi, segir að þetta sé mál sem sveitarfélagið hafi lengi kallað eftir og hún fagni því að nýr meirihluti í borginni sýni þessu skilning, enda skipti málið miklu fyrir framtíðarvöxt svæðisins.