Snorri Steinn velur 21 leikmann í nýjan elítuhóp HSÍ

Snorri Steinn Guðjónsson hefur valið 21 leikmann í sérstakan elítuhóp HSÍ. Hópurinn kemur saman til æfinga á fimmtudaginn og mun æfa í þrjá daga undir stjórn landsliðsþjálfaranna. Markmiðið er að brúa bilið á milli efnilegustu leikmannanna og A-landsliðsins til að auðvelda þeim næstu skref á ferlinum. Meðal valinna leikmanna eru markverðirnir Ágúst Elí Björgvinsson, Einar Baldvin Baldvinsson og Jón Þórarinn Þorsteinsson, ásamt fjölmörgum öðrum efnilegum útileikmönnum úr efstu deild karla.