Flugvirkjar boða verkfall 23. september

Flugvirkjafélag Íslands (FVFÍ) hefur formlega boðað verkfall hjá flugvirkjum sem starfa hjá Icelandair. Verkfallið er boðað til að hefjast á miðnætti þann 23. september 2026 og er það ótímabundið. Deila flugvirkja snýst fyrst og fremst um kaup og kjör, en samningar hafa verið lausir um nokkurt skeið. Ef af verkfalli verður mun það hafa víðtæk áhrif á áætlunarflug Icelandair til og frá landinu, sem og innanlandsflug, en vonast er til að sátt náist í deilunni áður en til aðgerða kemur.