„Ótrúlega ódýrt“: Sólorka í mikilli sókn

Í Chakwal í Pakistan er sementsverksmiðjan Bestway Cement að breyta skrælnuðum jarðvegi og ólífu- og ferskjugörðum í skóg af sólarsellum. Þessi vegferð mun bæta 6,34 megavöttum við orkuframleiðslu fyrirtækisins fyrir lok ársins, auk þeirra 26 megavatta sem þegar eru í notkun. Sólorka stendur nú þegar undir fjórðungi þeirrar raforku sem knýr verksmiðjuna. „Þetta er eina leiðin til að vera samkeppnishæf,“ segir Abdul Waheed, framkvæmdastjóri verksmiðjunnar, en keppinautar þeirra hafa þegar hafið sambærilega vegferð. Ódýrar kínverskar sólarsellur eru að knýja fram miklar breytingar á orkumarkaði um allan heim.