Læknar lofa raunsæi í nýrri þáttaröð HBO Max, The Pitt

Sjónvarpsþættirnir The Pitt, sem sýndir eru á HBO Max, hafa vakið mikla athygli og hlotið alls 25 Emmy-tilnefningar. Það sem vekur þó mesta eftirtekt er hversu mikið læknar og annað heilbrigðisstarfsfólk dásama þættina fyrir raunsæi. Margir segja þetta vera raunsæasta læknadramað sem framleitt hefur verið, en þar er skyggnst inn í erfiðan raunveruleika bráðamóttöku í bandarísku sjúkrahúsi. Þættirnir þykja sýna af mikilli nákvæmni þá pressu og þær áskoranir sem starfsfólkið stendur frammi fyrir á hverjum degi.