Ekkert verður af byggingu Tækniskólans við Flensborgarhöfn

Hætt hefur verið við áform um að reisa nýjan Tækniskóla í Hafnarfirði þar sem bærinn gat ekki afhent tilskilda lóð undir verkefnið. Í yfirlýsingu frá bænum og skólanum kemur fram að óvissa ríki um hvenær bærinn gæti staðið við skuldbindingar sínar og því hafi verið ákveðið að leita annað. Þessi ákvörðun er mikið áfall, enda hafa áformin verið í bígerð í fimm ár og mikil þörf er á bættu húsnæði fyrir starfsemi skólans, sem nú fer fram á mörgum stöðum. Hafnarfjarðarbær gat einfaldlega ekki staðið við stóru orðin í þessu máli.