Afnema takmarkanir á útblæstri kolaorkuvera í Bandaríkjunum

Umhverfisstofnun Bandaríkjanna (EPA) hefur boðað að hún hyggist afnema takmarkanir á útblæstri gróðurhúsalofttegunda frá kola- og gasorkuverum sem settar voru í forsetatíð Joe Bidens. Einnig verður komið í veg fyrir frekari reglugerðir um losun, þar sem stofnunin telur sig skorta lagaheimild til slíkra aðgerða. Lee Zeldin, forstjóri EPA, segir að þetta sé gert til að mæta síaukinni orkuþörf og spara iðnaðinum háar fjárhæðir. Ákvörðunin hefur mætt mikilli gagnrýni umhverfisverndarsinna sem óttast skaðleg áhrif á lýðheilsu og loftslagsmarkmið.