Mikil óánægja heimilislækna með frumvarp til fjárlaga

Stjórn Félags íslenskra heimilislækna lýsir yfir miklum vonbrigðum með fjárlagafrumvarp næsta árs. Að mati félagsins sýnir frumvarpið að ríkisstjórnin hafi lítinn áhuga á að fylgja eftir loforðum um að allir landsmenn hafi aðgang að föstum heimilislækni. Þrátt fyrir aukið fjármagn til heilsugæslunnar telja læknar það hvergi nærri nægjanlegt til að mæta uppsöfnuðum vanda, fólksfjölgun og launaþróun. Gangi frumvarpið óbreytt fram er óttast að ástandið muni versna enn frekar.