Kristrún segir bankana geta tekið skattahækkunina á sig

Kristrún Frostadóttir forsætisráðherra segir að íslensku bankarnir séu nægilega burðugir til að taka á sig fyrirhugaða hækkun bankaskatts án þess að hækka þjónustugjöld eða vexti hjá viðskiptavinum sínum. „Ég veit alveg að bankarnir geta vel brúað þetta án þess að varpa þessu yfir á neytendur,“ sagði Kristrún í óundirbúnum fyrirspurnatíma á Alþingi í gær. Sigríður Á. Andersen, þingmaður Miðflokksins, hafði óskað eftir skýringum á því hvernig hækkunin myndi bíta.