Telur gagnrýni Dagnýjar á Breiðablik ósanngjarna

Flosi Eiríksson, formaður knattspyrnudeildar Breiðabliks, segir gagnrýni Dagnýjar Brynjarsdóttur á félagið vera „pínu ósanngjarna“. Dagný hafði gagnrýnt metnaðarleysi eftir að liðið þurfti að setja markvörð inn á sem útileikmann í Evrópuleik í sumar. Flosi bendir á að um algjört einsdæmi hafi verið að ræða vegna fjölda meiðsla og forfalla, en ekki merki um almennt metnaðarleysi hjá félaginu. Hann leggur áherslu á að Breiðablik sé leiðandi félag í kvennaknattspyrnu á Íslandi og stefni alltaf sem lengst í öllum keppnum.