HM í frjálsum í fyrsta sinn í Afríku 2029

Alþjóða frjálsíþróttasambandið, World Athletics, ákvað á fundi sínum í dag að heimsmeistaramótið í frjálsíþróttum 2029 verði haldið í Naírobí í Kenía. Þetta er í fyrsta sinn sem HM í frjálsum er haldið í Afríku. Það er vel við hæfi að Kenía verði fyrir valinu því þessi gríðarlega hlaupaþjóð hefur unnið næstflest verðlaun allra á heimsmeistaramótunum. Aðeins Bandaríkin hafa fleiri verðlaun; 469 á móti 182 hjá Kenía. Naíróbí hafði betur í baráttu við Lundúnir, Róm og München. München fékk mótið 2031. Næsta heimsmeistaramót fer fram í Peking í Kína næsta sumar.