Áhyggjur af eldri Úkraínumönnum í Borgarbyggð

Yfirvöld í Borgarbyggð lýsa yfir áhyggjum af stöðu eldra flóttafólks frá Úkraínu sem búsett er á Bifröst. Vegna mikillar fjölgunar í hópi þeirra sem þurfa á fjárhagsaðstoð að halda hefur byggðarráð óskað eftir samstarfi við félagsmálaráðuneytið. Mikilvægt er að greina þarfir þessa hóps og tryggja að sveitarfélagið geti tekið á móti þeim og veitt viðeigandi þjónustu til lengri tíma.