„Jafn ömurlegt og þessi úrslitakeppni er“

„Það var eins og við hefðum verið á fylleríi með Blikunum um helgina,“ sagði Rúnar Kristinsson, þjálfari Fram, um 1-3 tap liðsins fyrir Breiðabliki í Bestu deild karla í gærkvöld. Blikar urðu bikarmeistarar á föstudaginn. Rúnar var ekki sáttur með spilamennsku sinna manna og gagnrýndi fyrirkomulagið í Bestu deildinni harðlega. Hann segir úrslitakeppnina gera mótið óskemmtilegra þegar Íslandsmeistarinn er oftast krýndur löngu fyrir lokamótið.