Samskip gera tilraunir með vindorkuver á flutningaskipum

Samskip hafa hrundið af stað áhugaverðum tilraunum þar sem vindurinn er nýttur til að framleiða orku úti á rúmsjó. Nýstárlegu orkuveri hefur verið komið fyrir á dekki gámaskipsins Arnarfells þar sem nýttur er stífur vindur í talsverðri hæð. Guðmundur Óskarsson hjá Samskipum segir þetta mikilvægan lið í tækniþróun og sjálfbærni fyrirtækisins. Markmiðið er að sjá hvort hægt sé að draga úr notkun hefðbundinna aflgjafa og minnka þannig losun gróðurhúsalofttegunda meðan á siglingum yfir Atlantshafið stendur.