Harmafregn frá Bretlandi: Lík þriggja ára drengs fannst í tjörn

Breska lögreglan greindi frá því í dag að lík þriggja ára drengs hafi fundist í tjörn eftir umfangsmikla leit. Drengurinn, sem hét Noah Woods, hvarf af leikvelli á þriðjudaginn síðastliðinn. Lögreglukafarar fundu hann eftir að hafa kembt svæðið í kringum leikvöllinn. Þetta hörmulega mál hefur vakið mikinn óhug í samfélaginu og fjölskylda drengsins fær nú aðstoð sérfræðinga. Rannsókn stendur enn yfir til að varpa ljósi á tildrög þess að drengurinn endaði í tjörninni, en ekkert bendir til saknæms athæfis að svo stöddu.