Þór hafði betur í Akureyrarslagnum - Gunnar skoraði 16 mörk fyrir Íslandsmeistarana
Þór vann KA 35-31 í æsispennandi grannaslag á Akureyri á meðan Gunnar Róbertsson fór mikinn með 16 mörk í sigri Vals gegn HK.
Það var mikil eftirvænting fyrir leik Akureyrarliðanna í KA-heimilinu í kvöld en bæði lið stefna hátt í vetur. Jafnræði var með liðunum stærstan hluta leiksins og var staðan 16-16 í hálfleik. Þórsarar reyndust sterkari á lokasprettinum og knúðu fram fjögurra marka sigur, 35-31.
Íslandsmeistarar Vals voru einnig á ferðinni og sóttu HK heim í Kópavog. Gunnar Róbertsson hélt áfram ótrúlegri markaskorun sinni og gerði 16 mörk í 38-29 sigri Valsmanna. Gunnar hefur því skorað alls 33 mörk í síðustu tveimur leikjum sínum.
Í öðrum leikjum kvöldsins unnu Haukar lið Aftureldingar 32-30, FH bar sigurorð af Víkingi 40-34 og leik Selfoss og Stjörnunnar lauk með jafntefli, 34-34. Haukar sitja nú einir á toppi deildarinnar með fullt hús stiga.
