Skólabörn eiga leið um stórhættulegan veg á hverjum degi

Bæjarráð Fjarðabyggðar hefur sent frá sér kröfu um að ráðist verði í öryggisaðgerðir á veginum um Kambaskriður án tafar. Ástæðan er endurtekið grjóthrun á svæðinu sem skapar verulega hættu fyrir alla vegfarendur sem eiga leið um veginn.

Sérstaklega er bent á að fjöldi skólabarna ferðast um þennan veg á hverjum degi með skólabílum. Grjóthrun hefur verið viðvarandi vandamál og telja bæjayfirvöld óásættanlegt að öryggi íbúa og barna sé stefnt í hættu með þessum hætti. Kallað er eftir því að stjórnvöld bregðist við hratt til að koma í veg fyrir slys.