Landsréttur fellir úr gildi gæsluvarðhald yfir manni sem játaði brot gegn barni

Landsréttur sneri á mánudag við gæsluvarðhaldsúrskurði yfir manni sem grunaður er um ítrekuð kynferðisbrot gegn barni. Maðurinn hefur játað að hafa ítrekað haft kynmök við stúlku undir 15 ára aldri. Héraðsdómur hafði áður úrskurðað manninn í gæsluvarðhald vegna almannahagsmuna, en Landsréttur taldi ekki nægjanleg rök fyrir því að halda honum inni, þrátt fyrir játninguna.