Ísland og EES-ríki þurfa að fylgjast grannt með útþenslu ESB

Mark Carney, forsætisráðherra Kanada, og Ursula von der Leyen, forseti framkvæmdastjórnar ESB, hafa rætt um mögulega aukaaðild Kanada að Evrópusambandinu. Gunnar Þór Pétursson lagaprófessor telur að Ísland og önnur EES-ríki þurfi að vera vel á verði þar sem slíkur samningur gæti breytt forsendum EES-samstarfsins. Samstarfið myndi meðal annars snúa að gervigreind, loftslagsmálum og mikilvægum jarðefnum.