Ákvörðun um afturköllun lóða trúfélaga frestað í borgarráði

Borgarráð ákvað á fundi sínum í dag að fresta afgreiðslu á tillögu um að afturkalla lóðaúthlutun til Félags múslima á Íslandi við Suðurlandsbraut 76. Einnig var frestað ákvörðun um að rifta samningum við Moskvu-Patríarkatið, eða Rússnesku rétttrúnaðarkirkjuna, vegna lóða við Bræðraborgarstíg og Bakkastíg. Hvorugt trúfélagið hefur hafið framkvæmdir á þessum lóðum þrátt fyrir að talsverður tími sé liðinn frá úthlutun. Einar Þorsteinsson, formaður borgarráðs, hafði áður gefið út að borgin hygðist selja lóðirnar á frjálsum markaði ef ekki yrði af uppbyggingu.