Segir tillögur um ný kosningalög vera örvæntingarfulla tilraun Viðreisnar

Jens Garðar Helgason, þingmaður Sjálfstæðisflokk í Norðausturkjördæmi, gefur lítið fyrir nýbirtar tillögur starfshóps um breytingar á kosningalögum. Hann telur tillögurnar, sem fela meðal annars í sér fjölgun jöfnunarsæta og færslu þingsæta frá norðri til suðvesturs, vera „örvæntingarfulla tilraun“ Viðreisnar til að sækja fylgi og völd til höfuðborgarsvæðisins þar sem flokkurinn standi höllum fæti á landsbyggðinni. Jens kallar eftir þverpólitískri samstöðu í stað tillagna frá hópum sem hann telur hliðholla ákveðnum sjónarmiðum.