Inga Sæland undrast áform Kristjáns Loftssonar

Inga Sæland, formaður Flokks fólksins og ráðherra, lýsti því yfir í dag að hún muni styðja við bakið á atvinnuvegaráðherra varðandi ákvarðanir um hvalveiðar. Inga furðar sig jafnframt á tilkynningu frá Hval hf. þess efnis að félagið hyggist hefja framleiðslu á járnbætiefni úr hvalafurðum, en hún kallar það útspil „ákaflega undarlegt“. Málið hefur verið áberandi í samfélagsumræðunni síðustu misseri og sýnist sitt hverjum um framtíð greinarinnar.