ÍBV sótti stig í greipar Fram

ÍBV varð í kvöld fyrsta liðið til að leggja Fram að velli í Olísdeild karla í handbolta á þessu tímabili. Leikurinn fór fram í Úlfarsárdal en honum hafði verið frestað í gær vegna ófærðar. Framarar leiddu með fimm mörkum í hálfleik, 19-14, en Eyjamenn sneru taflinu við í síðari hálfleik. ÍBV jafnaði metin eftir tíu mínútna leik í seinni hálfleik og tryggði sér að lokum þriggja marka sigur, 33-30. Bæði lið eru nú með fjögur stig, tveimur stigum á eftir toppliði Hauka.