Enginn sannleikur, bara ólík upplifun

Inga Sæland, formaður Flokks fólksins, hafnar lýsingum Guðmundar Inga Kristinssonar á samskiptum þeirra í tengslum við afsögn hans sem ráðherra. Hún segir sína upplifun vera allt aðra en þá sem Guðmundur hefur viðrað í fjölmiðlum. Deila þeirra snýst um atburðarásina þegar Guðmundur lá inni á sjúkrahúsi og Inga tók við ráðherradómi hans. Inga segir að ekki sé um einn algildan sannleika að ræða í málinu heldur séu sjónarmiðin einfaldlega ólík.