Sérfræðingur: Reglur um snjallsímanotkun ættu einnig að gilda um foreldra

Skúli Bragi Geirdal, sérfræðingur hjá Netöryggismiðstöð Íslands, segir að börn kalli eftir því að sömu reglur um skjátíma gildi um foreldra og þau sjálf. Hann telur mikilvægt að fullorðnir líti á sig sem fyrirmyndir í þessum efnum. Halldóra Mogensen hjá Samtökum um mannvæna tækni tekur undir þetta og líkir hönnun samfélagsmiðla við sálfræðihernað sem ætlað er að fanga og halda athygli notenda.