Ofbeldi og eftirför í miðborginni í nótt

Mikill erill var hjá lögreglunni á höfuðborgarsvæðinu í nótt. Í miðborginni var maður handtekinn eftir að hafa ógnað öðrum með hnífi og reynt að flýja af vettvangi á bifreið. Eftirför lauk þegar lögregla ók á bíl mannsins til að stöðva hann, en hann reyndi í framhaldinu að slást við lögreglumenn áður en hann var yfirbugaður. Þá var mikið um tilkynningar um innbrot og eignaspjöll, þar á meðal mál þar sem flugeldi var kastað inn í bíl og slagsmál í úthverfi þar sem grjóti var beitt sem vopni.