Meðallaun flugvirkja hjá Icelandair 1,4 milljónir

Samkvæmt heimildum Morgunblaðsins eru meðallaun flugvirkja sem starfa hjá Icelandair um 1,4 milljónir króna á mánuði. Ef gengið verður að launakröfum þeirra í yfirstandandi deilu gæti launakostnaður flugfélagsins vegna þeirra hækkað um allt að 30%. Ríkissáttasemjari hefur boðað til samningafundar í dag til að reyna að afstýra verkfalli sem á að hefjast þann 23. september næstkomandi. Staðan í deilunni er sögð erfið en báðir aðilar leggja áherslu á að ná niðurstöðu sem fyrst.