Íslensku landsliðin í fullu fjöri á Ólympíuskákmótinu

Íslenska landsliðið í skák hefur farið vel af stað á ólympíuskákmótinu. Liðið vann góðan sigur á Gvatemala í gær eftir að hafa lagt Brúnei í fyrstu umferðinni. Í dag bíður þeirra erfiðari andstæðingur þegar þeir mæta liði Tékklands. Íslenska sveitin er skipuð þeim Vigni Vatnari, Hilmi Frey, Jóhanni Hjartarsyni, Guðmundi Kjartanssyni og Hannesi Hlífari Stefánssyni. Kvennalandsliðið er einnig í keppni og mætir Tímor-Leste í dag eftir tap gegn Ítalíu. Skákáhugamenn fylgjast spenntir með framvindu mála en búist er við harðri baráttu í næstu umferðum mótsins.