Mollee Swift sæl þrátt fyrir hnjaskið í bikarúrslitunum

Markvörðurinn Mollee Swift átti stórleik þegar kvennalið Þróttar varð bikarmeistari síðasta laugardag. Hún fékk þónokkrar þungar byltur í leiknum, meðal annars eftir samstuð við Júlíu Ruth Thasaphong, en segir vikuna þrátt fyrir allt hafa verið frábæra. Mollee segir að hún hafi þurft að hrista af sér sársaukann til að klára leikinn en sé nú bjartsýn á framhaldið og telji ekki að hún hafi hlotið varanlegan skaða. Hún grínaðist með að hún færi ekki af velli nema fótbrotnuð.