Aron Einar ræddi við forystu KSÍ áður en ákvörðun var tekin

Í nýjasta þætti Íþróttavikunnar á 433/DV fóru þeir Helgi Fannar og Hörður Snævar yfir landsliðsvalið hjá íslenska karlalandsliðinu. Reynsluboltinn Aron Einar Gunnarsson er snúinn aftur í hópinn fyrir komandi leiki í Þjóðadeildinni, en hann hefur verið lykilmaður í liðinu um árabil. Fram kom í þættinum að Aron hefði átt gott samtal við þjálfara og forystu KSÍ áður en ákvörðunin var tekin um að velja hann að nýju, en hann samdi nýverið við félag í Katar á nýjan leik eftir nokkra óvissu í sumar.