Ingebrigtsen hreppti silfur í fimm kílómetra hlaupi

Norski hlauparinn Jakob Ingebrigtsen sigraði ekki í heimsmeistaramótinu í fimm kílómetra hlaupi í Kaupmannahöfn þótt hann hafi beitt sinni venjulegu tækni. Sá erítreski Dawit Seare reyndist sterkari á lokametrunum og kom fyrstur í mark á nýju landsmeti. Ingebrigtsen kom skömmu síðar í mark á nýju norsku meti en það dugði aðeins til silfurverðlauna í þetta sinn. Íslendingar áttu einnig fulltrúa á mótinu, þar sem Íris Anna Skúladóttir náði bestum árangri íslensku kvennanna í hálfu maraþoni.