Albanese sækist eftir sæti í öryggisráði SÞ fyrir Ástralíu

Anthony Albanese, forsætisráðherra Ástralíu, hefur opinberlega hleypt af stokkunum framboði landsins til setu í öryggisráði Sameinuðu þjóðanna sem óbreyttur meðlimur fyrir tímabilið 2029-30. Albanese hefur lofað því að Ástralía verði öflugur talsmaður eyríkjanna á Kyrrahafi og viðurkennir jafnframt þörfina á umbótum innan SÞ.

Forsætisráðherrann benti á að Ástralía sæi aðild að ráðinu sem leið til að auka áhrif sín í málefnum er varða tækni, þar með talið gervigreind. „Það er mjög í þágu þjóðarhagsmuna Ástralíu að við tökum þátt á mikilvægasta marghliða vettvangi heims, Sameinuðu þjóðunum. Rödd Ástralíu í ráðinu skiptir máli, svo við getum tekið þátt í að móta sum stærstu málin sem heimurinn og þjóð okkar standa frammi fyrir á næsta áratug,“ sagði Albanese.

Ástralía hefur fimm sinnum áður setið í öryggisráðinu, síðast árin 2013-14. Framboðið nú er talið hógværara en síðast, en þá kostaði baráttan um tvo milljarða króna. Sem stendur eru aðeins tveir umsækjendur um tvö laus sæti á þessu tímabili – Ástralía og Finnland. Kosningin mun fara fram í júní 2028.