Heilsa John Farnham hefur hrakað undanfarið
Fjölskylda söngvarans John Farnham greindi frá því að heilsa hans hefði hrakað undanfarna mánuði og að hann gæti ekki mætt á heiðurstónleika í Melbourne.
Söngvarinn ástsæli John Farnham gat ekki verið viðstaddur uppselda heiðurstónleika sem haldnir voru honum til heiðurs í Melbourne. Fjölskylda hans staðfesti þetta degi fyrir viðburðinn og greindi frá því að heilsu hans hefði hrakað nokkuð undanfarið.
Í yfirlýsingu frá eiginkonu hans og sonum kom fram að John þyrfti nú stöðugt á súrefni að halda og notaði hjólastól til að komast á milli staða. Þá þarf hann einnig sólarhringshjúkrun á heimili sínu. Fjölskyldan hafði haldið þessu leyndu til að laga sig að breyttum aðstæðum en taldi nú rétt að greina aðdáendum frá stöðunni.
Tónleikarnir, sem bera heitið „The Songs of John Farnham: A Living Legend“, vöktu mikla athygli og fóru allir peningar sem söfnuðust til samtaka sem berjast gegn krabbameini í höfði og hálsi. Farnham greindist með munnkrabbamein árið 2022 og gekkst undir langa skurðaðgerð. Þótt hann sé nú laus við krabbamein er ljóst að hann mun ekki geta sungið framar.
