Skuggaleg skynsemi hagfræðinga

Í gær hlustaði ég á viðtal á Sprengisandi við hagfræðing um væntanlega skattahækkun á hagnað banka. Spurt var hvort ekki væri sjálfsagt að hækka skatt á stórlega aukinn hagnað bankanna, sem væri að mestu leyti kominn til vegna vaxtahækkana Seðlabankans, en ekki vegna árangurs í rekstri bankanna? Svar hagfræðingsins var þetta: „Það þykir ekki góð skynsemi að skattleggja þá sem standa undir verðmætasköpuninni.“ Þessi afstaða sýnir ákveðna tegund af skynsemi sem mörgum þykir skuggaleg í ljósi þess að hagnaðurinn er drifinn áfram af almennum vaxtahækkunum fremur en framlagi bankanna sjálfra.