Jóhanna Margrét fer á kostum með Haukum

Jóhanna Margrét var í miklum ham gegn Val á Ásvöllum í gærkvöldi. Hún bar höfuð og herðar yfir aðra leikmenn vallarins og skoraði 12 mörk í 28-24 sigri Hauka. Haukar hafa því unnið alla þrjá leiki sína í deildinni og eru á toppnum ásamt Fram og ÍR. „Við erum bara búnar að æfa vel í sumar, bæði styrktarlega séð og handboltalega, og mér finnst það vera að skila sér inni á vellinum líka,“ segir hún í samtali við RÚV. Draumurinn er alltaf að spila með landsliðinu en hún tekur árangrinum með mikilli æðruleysi.