Skaut á eigin leikmann og gagnrýndi dómarann

Þjálfari KR, Óskar Hrafn Þorvaldsson, sparaði ekki stóru orðin eftir hitaleik KR og Víkings í Bestu deild karla um helgina. Fimm rauð spjöld fóru á loft í leiknum, þar af þrjú til leikmanna KR. Óskar gagnrýndi frammistöðu dómara leiksins harðlega en beindi jafnframt spjótum sínum að eigin leikmanni sem fékk rautt spjald fyrir óíþróttamannslega framkomu. Hann sagði hegðunina óásættanlega og að hún hefði sett liðið í erfiða stöðu.