„Regla Mörtu“ tekin í notkun á öllum bráðamóttökum á Englandi

Bresk heilbrigðisyfirvöld hafa nú innleitt svokallaða „reglu Mörtu“ (e. Martha's Rule) á öllum bráðamóttökum sjúkrahúsa á Englandi. Reglan er nefnd eftir Mörtu Mills, 13 ára stúlku sem lést eftir að áhyggjur fjölskyldu hennar af versnandi ástandi hennar voru hunsaðar. Markmiðið er að veita sjúklingum og aðstandendum þeirra formlega leið til að óska eftir óháðu endurmati frá öðru læknateymi ef þeim finnst ekki hlustað á sig.