Channing Tatum neitar því að nota dulnefni til að hrekkja stjörnur

Leikarinn vinsæli Channing Tatum hefur þurft að svara fyrir orðróm sem hefur verið á kreiki um að hann noti svokallaðan „burner“ aðgang til að áreita aðrar stjörnur á netinu. Sögusagnir hermdu að hann hefði verið að skipta sér af þeim Zoë Kravitz og Harry Styles undir dulnefni.

Tatum segist vera steinhissa á því að fólk telji hann verja frítíma sínum á þennan hátt og segir að þetta eigi ekki við nein rök að styðjast. „Ég trúi því hreinlega ekki að þið haldið að þetta sé það sem ég geri í frítíma mínum,“ sagði leikarinn þegar hann vísaði orðróminum á bug.