Inflúensubólusetningar hefjast um miðjan október

Undirbúningur fyrir inflúensubólusetningar ársins er á lokastigi og gert er ráð fyrir að þær hefjist um miðjan október. Samkvæmt upplýsingum frá embætti landlæknis verður bóluefnið fyrst sent til hjúkrunarheimila og heilbrigðisstofnana til að bólusetja einstaklinga í áhættuhópum. Almenningur getur búist við að bólusetningar standi honum til boða í nóvembermánuði. Þá geta börn á aldrinum tveggja til 17 ára sem tilheyra áhættuhópum fengið bóluefni í formi nefúða strax í lok september. Yfirvöld hvetja fólk til að huga að bólusetningum tímanlega fyrir veturinn.