Icelandair stefnir á að aflýsa öllum flugferðum á morgun vegna verkfalls

Yfir 15 þúsund farþegar gætu orðið fyrir verulegum röskunum á ferðaáætlunum sínum á morgun ef verkfall flugvirkja gengur eftir. Icelandair hefur tilkynnt að stefnt sé að því að aflýsa öllum brottförum frá bæði Keflavíkur- og Reykjavíkurflugvelli í fyrramálið. Þetta hefur áhrif á um 110 flugferðir á sólarhring, þar af 20 innanlandsflug. Endanleg ákvörðun um aflýsingar liggur fyrir eigi síðar en á miðnætti þegar verkfallið á að hefjast. Félagið hvetur farþega til að fylgjast grannt með stöðunni og upplýsingum á vef sínum.