„Í annarri vetrarbraut“ – Forseti La Liga hafnar samsæriskenningum Real Madrid um dómara

Javier Tebas, forseti spænsku úrvalsdeildarinnar í fótbolta (La Liga), hefur tjáð sig um ásakanir Real Madrid varðandi dómara. Hann segir að það sé eins og að „búa í annarri vetrarbraut“ að halda því fram að dómarar deildarinnar séu með samsæri gegn félaginu. Samskipti Real Madrid og forystu deildarinnar hafa verið stirð undanfarið og hafa dómaramál oft verið í sviðsljósinu. Tebas segir fullyrðingarnar ekki eiga sér neina stoð í raunveruleikanum.