Stjórnvöld hyggjast setja lög á verkfall flugvirkja

Alþingi kemur saman í dag til að fjalla um og samþykkja frumvarp Eyjólfs Ármannssonar, innviðaráðherra, sem miðar að því að stöðva verkfall flugvirkja hjá Icelandair. Verkfallið hófst á miðnætti og hefur þegar leitt til þess að fjölmörgum flugferðum félagsins hefur verið aflýst í dag. Kjaradeila flugvirkja og Icelandair hefur staðið yfir um nokkurt skeið án þess að lausn hafi fundist. Samningsaðilar hafa aðeins átt óformlega fundi síðustu daga og því telja stjórnvöld nauðsynlegt að grípa inn í til að afstýra frekara tjóni á almannahagsmunum.