Mikael Egill tileinkaði markið afa sínum: Ætlar ekki í indónesíska landsliðið

Mikael Egill Ellertsson, knattspyrnumaður hjá Genoa á Ítalíu, fór yfir ferilinn og landsliðið í einlægu viðtali. Hann tileinkaði landsliðsmark sitt gegn Úkraínu afa sínum sem lést skömmu fyrir leikinn. Mikael, sem er alinn upp í Fram, ræddi einnig um fjölhæfni sína en hann hefur spilað margar stöður á Ítalíu. Þrátt fyrir sterka tengingu móður hans við Indónesíu og mikinn ágang stuðningsmanna þar í landi, stefnir hann ótrauður á frekari árangur með íslenska landsliðinu og dreymir um stórmót.