Sextán sagt upp hjá rækjuvinnslu Ísfélagsins á Siglufirði

Ísfélagið hefur tilkynnt sextán starfsmönnum í rækjuvinnslu fyrirtækisins á Siglufirði um uppsögn. Aðstoðarforstjóri félagsins telur ástæðuna vera bráðan hráefnisskort, en síðustu ár hefur verið unnið úr norskri rækju vegna samdráttar á Íslandsmiðum. Uppsagnirnar taka gildi um áramótin. Þrátt fyrir þetta er bjartsýni hjá stjórnendum um að vinnsla geti hafist að nýju í mars, en rækjuvinnsla hefur dregist mjög saman á Íslandi síðustu áratugi.