Albert segir tímana undir stjórn Arnars Þórs ekki hafa verið frábæra

Landsliðsmaðurinn Albert Guðmundsson ræddi opinskátt um tíma sinn undir stjórn Arnars Þórs Viðarssonar í viðtali við RÚV. Albert lýsti því hvernig samskipti þeirra versnuðu eftir að hann leitaði til þjálfarans með ábendingar um eigin frammistöðu. Hann segist hafa upplifað sig „jarðaðan“ í viðtölum í kjölfarið. Albert tók þá ákvörðun á sínum tíma að spila ekki fyrir landsliðið á meðan Arnar væri við stjórnvölinn, en hann hefur nú snúið aftur í hópinn og stefnir á stórmót á ný.