Netanyahu sagður hafa verið varaður við árás Hamas fyrir 7. október
Leiðtogi Sameinuðu arabísku furstadæmanna er sagður hafa varað Benjamin Netanyahu við yvirvofandi árás Hamas áður en blóðbaðið varð í október í fyrra. Viðvörunin mun aldrei hafa náð til öryggisstofnana Ísraels.
Ísraelskir embættismenn fullyrða að Benjamin Netanyahu, forsætisráðherra Ísraels, hafi fengið viðvörun frá leiðtoga Sameinuðu arabísku furstadæmanna um hugsanlega árás Hamas áður en árásin átti sér stað þann 7. október.
Viðvörunin var almennt orðuð og innihélt ekki ítarlegar upplýsingar um eðli eða tímasetningu árásarinnar. Þrátt fyrir það er talið alvarlegt að þessar upplýsingar hafi aldrei náð til stjórnenda ísraelskra öryggisstofnana. Netanyahu hefur verið gagnrýndur harðlega fyrir að hunsa vísbendingar um aukna ógn, en hann situr enn á forsætisráðherrastóli í Tel Aviv.
