Portúgalskur tölvuhakkari afhjúpaði svikin: Framtíð Manchester City í óvissu

Manchester City hefur verið fundið sekt í 114 af 115 ákæruliðum sem snúa að brotum á fjármálareglum ensku úrvalsdeildarinnar á árunum 2009 til 2018. Þótt refsing liggi ekki fyrir gæti félagið átt yfir höfði sér verulegan stigafrádrátt eða jafnvel brottrekstur úr deildinni. City hefur þegar gefið út að félagið muni líklega áfrýja niðurstöðunni. Jóhann Már Helgason, sérfræðingur um enskan fótbolta, segir málið einstakt í sögunni. Til samanburðar fékk Everton sex stiga frádrátt fyrir mun minni brot. Spurningin sem allir spyrja sig er hvort City verði svipt meistaratitlum sínum en Jóhann telur það ólíklegt. Uppruni málsins er rakinn til portúgalsks tölvuhakkara sem lak tölvupóstum yfirmanna City til þýska miðilsins Der Spiegel á sínum tíma.