Fimm ákærðir fyrir hrottalega líkamsárás og nauðgun

Fimm menn hafa verið ákærðir fyrir nauðgun, sérstaklega hættulega líkamsárás og hótanir gegn manni í ágúst í fyrra. Í ákærunni kemur fram að mönnunum sé gefið að sök að hafa svipt manninn frelsi sínu, beitt hann grófu ofbeldi með bareflum og stungið járnröri í endaþarm hans. Árásin var tekin upp á myndband og henni dreift á samfélagsmiðlum. Maðurinn krefst tæplega tólf milljóna króna í skaðabætur vegna málsins.