Spá því að losun frá jarðefnaeldsneyti minnki á árinu 2026
Talið er að losun gróðurhúsalofttegunda frá jarðefnaeldsneyti muni dragast saman um 0,5% á heimsvísu vegna orkukreppunnar og dýrara eldsneytis.
Ný greining Carbon Brief bendir til þess að losun frá jarðefnaeldsneyti muni dragast saman árið 2026. Skýringin liggur að miklu leyti í Hormuz-deilunni og stríðsátökum milli Bandaríkjanna og Írans, sem hafa truflað flutningaleiðir og valdið því að verð á olíu og gasi hefur rokið upp. Þetta hefur skapað sterkan hvata fyrir þjóðir að skipta yfir í aðra orkugjafa, þar á meðal aukna notkun rafknúinna ökutækja sem náð hafa metmarkaðshlutdeild á mörgum stórum mörkuðum. Þótt notkun kola hafi aukist lítillega á sumum svæðum, dugir það ekki til að vega upp á móti samdrættinum í olíu og gasi, sem getur leitt til þess að hámarkslosun náist fyrr en áður var talið.
